កណ្ដាល : ថ្ងៃសៅរ៍ ទី២៩ ខែឧសភា ឆ្នាំ២០២១ លោក ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ បានជួបសំណេះសំណាល និងផ្ដល់អំណោយសម្ភារៈការពារជំងឺកូវីដ-១៩ ជូនឃុំទាំង១២ នៃស្រុកស្អាង មន្ទីរពេទ្យបង្អែកស្រុកស្អាង រដ្ឋបាលស្រុកស្អាង និងជូនប្រជាពលរដ្ឋជួបការលំបាកចំនួន១២០គ្រួសារ នៅឃុំព្រែកអំបិល ស្រុកស្អាង ខេត្តកណ្តាល ព្រមទាំងផ្តល់អំណោយសម្ភារៈការពារជំងឺកូវីដ-១៩ ជូនមន្ទីរពេទ្យជ័យជំនះ និងសាលាខេត្តកណ្ដាល៕

លោកបានបន្តទៀតថា សូមប្រជាពលរដ្ឋបង្កើនការប្រុងប្រយ័ត្នឲ្យបានខ្ពស់ ដោយត្រូវចូលរួម អនុវត្តនូវវិធានការការពារ "៣ការពារ និង៣កុំ" និងត្រូវអនុវត្តឲ្យបានម៉ឺងម៉ាត់នូវវិធានការអនាម័យតាមការណែនាំរបស់ក្រសួងសុខាភិបាល ដើម្បីការពារ និងទប់ស្កាត់ការីករាលដាលនៃជំងឺកូវីដ-១៩ ដែលកំពុងឆ្លងរីករាលដាល៕